Kryeministri i Kosovës, Albin Kurti, ka pritur në takim lamtumirës ambasadorin jo rezident të Mbretërisë së Danimarkës në Kosovë, Christian Gronbech-Jensen.

Kurti tha se me ambasadorin danez bisedoi për marrëdhëniet ndërmjet dy vendeve dhe forcimin e mëtejmë të tyre.

Ai shprehu mirënjohje për mbështetjen e Danimarkës dhe kërkoi avancimin e statusit të aplikimit të Kosovës për shtet kandidat për anëtarësim në Bashkimin Evropian.

Siç bëri të ditur Kurti në një postim në Facebook në takim u diskutua edhe për synimin strategjik të Kosovës për anëtarësim në NATO, si dhe për mundësitë e thellimit të bashkëpunimit ekonomik e tregtar dhe rritjen e investimeve daneze në Kosovë.

Gjatë takimit u diskutua edhe për bashkëpunimin në fushat e drejtësisë, energjisë, arsimit dhe teknologjisë.