Kryetari i Rahovecit, Smajl Latifi, ka theksuar se 27 vjet më parë u zhduk fizikisht Ukshin Hoti, por jo mendimi dhe ideali i tij.

“Intelektuali, veprimtari dhe mendimtari i guximshëm nga Krusha e Madhe ia kushtoi tërë jetën çështjes kombëtare, duke qëndruar gjithmonë i palëkundur përballë padrejtësisë dhe okupimit”.

“Më 16 maj 1999, ai u nxor nga burgu i Dubravës me premtimin për lirim, por prej asaj dite nuk u pa më kurrë. Zhdukja e tij ishte goditje ndaj mendjes së lirë shqiptare, ndaj njeriut që besonte në liri, demokraci dhe dinjitet kombëtar”.

“Sot, pas 27 vjetësh, emri i Ukshin Hotit mbetet thirrje për ndërgjegje kombëtare, ndërsa pyetja vazhdon të rëndojë mbi secilin institucion vendor e ndërkombëtar: KU ËSHTË UKSHIN HOTI?”, ka shkruar Latifi në Facebook.