Kryetari i Bashkisë së Shkodrës pret në takim Mehmet Prishtinën, pasardhësin e heroit kombëtar Hasan Prishtina

Kryetari i Bashkisë së Shkodrës pret në takim Mehmet Prishtinën, pasardhësin e heroit kombëtar Hasan Prishtina

Drejtori i Fondacionit “Hasan Prishtina”, njëherësh pasardhësi i heroit kombëtar Hasan Prishtina, Mehmet Prishtina nën shoqërimin e Gazmend Boletini – stërnip i heroit kombëtar Isa Boletini, prof. dr. Sabri Kadriu – pasardhës i heroit kombëtar Idriz Seferi, Xhavit Kastrati – pasardhës i heroit kombëtar Shaban Polluzha, dje u priten nga kryetari i Bashkisë së Shkodrës, Benet Beci.

Më këtë rast Mehmet Prishtina në cilësinë e drejtorit të Fondacionit “Hasan Prishtina”, paraqiti kërkesë kryetarit të Bashkisë së Shkodrës për nënshkrimin e një memorandumi me Fondacionin “Hasan Prishtina” dhe bashkërendimin në aktivitete konkrete që lidhen me aktivitetet e heroit Klkombëtar Hasan Prishtina në Shkodër.

Prishtina falënderoi kryetarin e Bashkisë së Shkodrës për korrektësinë dhe gatishmerinë për bashkëpunim.

Pas takimit me kryetarin Beci, delegacioni u prit nga mbesa e Hlheroit kombëtar Bajram Curri, Mimoza Kraja – Meta e cila jeton dhe vepron në Shkoder.

Në përfundim të vizitës delegacioni me pasardhësit e familjeve emblematike, bënë nderime tek shtatorja e heroit kombëtar Isa Boletini dhe Luigj Gurakiqi si dhe vizituan qytetin e vjeter në Shkodër.