Kryeministrja e Danimarkës sulmohet në rrugë, arrestohet i dyshuari

Kryeministrja e Danimarkës, Mette Frederiksen, është sulmuar nga një burrë në një shesh të kryeqytetit Kopenhagë, njoftoi Zyra e saj të premten vonë.

“Kryeministrja Mette Frederiksen u rrah të premten në mbrëmje në [sheshin] Kultorvet në Kopenhagë nga një burrë, i cili u arrestua pastaj”, tha Zyra e saj në një komunikatë për media.

Kryeministrja është “e tronditur nga ky incident”, shtoi Zyra e saj, pa dhënë hollësi të tjera.

Policia daneze njoftoi në rrjetin social X se e ka arrestuar të dyshuarin dhe se është duke e hetuar incidentin, duke mos dashur të japë hollësi të tjera.