Krasniqi takohet me Hovenierin: E njoftova me arsyet e kërkesës sonë për zgjedhje të parakohshme

Kryetari i PDK-së, Memli Krasniqi, është takuar sot me ambasadorin e ShBA-së në Kosovë, Jeffrey Hovenier.

Krasniqi tha se me Hovenierin folën për zhvillimet e fundit në vend, teksa bëri të ditur se ambasadorin amerikan e njoftoi edhe me qëndrimet e PDK-së.

“Ambasadorin Hovenier e njoftova me qëndrimet e PDK-së rreth këtyre zhvillimeve dhe me arsyet e kërkesës tonë për zgjedhje të parakohshme. Ne besojmë se vendi është në stagnim të plotë dhe ata që po e pësojnë më së shumti janë qytetarët tanë”, shkroi Krasniqi.

Të hënën, Krasniqi pati një darkë pune me kryeministrin e vendit, Albin Kurtin, pas së cilës darkë u aktualizua çështja e zgjedhjeve të parakohshme.