Komiteti Olimpik i Kosovës i zgjedh më të mirët e vitit 2024

Komiteti Olimpik i Kosovës gjatë ditës së sotme ka mbajtur ceremoninë e shpalljes së sportistëve më të mirë të vitit 2024.

Xhudistja Distria Krasniqi që mori medaljen e argjëndtë në Lojërat Olimpike të vitit të kaluar dhe xhudisti, Akil Gjakova u nderuan si më të mirët e vitit, shkruan “Gazeta Express”.

Trajneri i vitit nga KOK-u u shpallë Driton Kuka, i cili vjen nga sporti i xhudos. Kuka e fitoi këtë çmim për herë të nëntë radhazi.

KOK-u sonte ndau edhe çmime speciale, të cilat shkuan për Laura Fazliun, xhudiste dhe për yllin e futbollit kosovar, Edon Zhegrovën.

Kombëtaret më të mira në sportin kosovar u shpallën ajo e hendbollit në konkurrencën e femrave dhe ajo e futbollit te meshkujt.

Ndërkohë, si “shpresa olimpike” u zgjodhën xhudistja Sidorela Dodaj dhe basketbollisti, Yll Kastrati.