Koci: Prej sot spekulimet duhet të ndalen, familja Hajrizi po lëndohet dhe dëmtohet shumë
Avokati i cili është autorizuar që të merret me çështjen e kthimit të trupit të Faton Hajrizit në Kosovë, Arianit Koci ka reaguar ndaj spekulimeve dhe interpretimeve amatoreske se trupi që ka ardhur në Kosovës nuk është i Faton Hajrizit.
Koci përmes një reagimi në rrjetin social në Facebook ka shkruar se nga sot spekulimet duhet të ndalojnë, pasi siç tha “Familja Hajrizi po lëndohet dhe dëmtohet shumë”.
Postimi i Kocit:
Spekulimet dhe intepretimet amatoreske plot smirë dhe xhelozi, më kanë penguar në kryerjen e misionit tim – kthimin e trupit të pajetë të Faton Hajrizit!
Natyrisht, me më ndalë, nuk mundet askush!
Por, prej sot, spekulimet duhet të ndalën!
Familja Hajrizi po lëndohet dhe dëmtohet shumë.
Kufomën të cilën e solla mbrëmë është pa asnjë dyshim e Fatonit.
Këtë e pohoi sot nëna e Fatonit, gjatë procedurës së identifikimit.