Katër të lënduar në një aksident mes dy veturave në Prishtinë, dy prej tyre zyrtarë policorë

Katër persona janë lënduar si pasojë e një aksidenti që ka ndodhur sot në orët e para të mëngjesit në Prishtinë, ku të përfshira ishin dy vetura, njëra e Policisë së Kosovës.

Rastin për Klankosova.tv e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Ahmeti theksoi se personat e lënduar janë dërguar për tretman mjekësor, teksa shtoi se me rastin po merret njësiti i trafikut rrugor.

“Sot rreth orës 03:30  kemi pranuar informatën se në rrugën “Bill Klinton” në Prishtinë, ka ndodhur një aksident trafiku me lëndime. Në këtë aksident kanë qenë të përfshira dy vetura në lëvizje ( njëra nga to veturë e policisë). Si pasojë e aksidentit lëndime trupore kanë pësuar katër persona ( dy nga ta zyrtar policor)”, ka thënë Ahmeti.