Katari jep alarmin: Sulmet izraelite në Rafah mund të pengojnë bisedimet për armëpushim

Sulmet izraelite në Rafah mund të “pengojnë” bisedimet për një armëpushim në Gaza dhe lirimin e pengjeve.

Ky është alarmi i Katarit, i cili së bashku me Egjiptin dhe SHBA-në ndërmjetësojnë negociatat indirekte mes Izraelit dhe Hamasit.

Bombardimet izraelite në një kamp në Rafah, në jug të largët të Rripit, kanë shkaktuar të paktën 40 të vdekur, sipas ekipeve të shpëtimit.

Kjo ngjarje ka shkaktuar reagime të ashpra edhe nga radhët e ndërkombëtarëve.