Jo vetëm në fushë, Wirtz “përplas” City-n dhe Real-in edhe në merkato

Manchester City dhe Real Madrid nuk do të ndeshen vetëm në fushën e lojë aty kur të mërkurën në mbrëmjes në Santiago Bernabeu, të besuartit e Pep Guardiolës do të tentojnë të përmbysin rezultatin e sfidës së parë, që shkoi në favor të madrilenëve, por shumë shpejt këto dy skuadra pritet të nisin edhe një duel të ashpër në merkato.

Bëhet fjalë për talentin gjerman të Bayer Leverkusenit, Florian Wirtz. Ai mbetet ëndrra e shumë klubeve big në Evropë, por së fundmi sipas asaj që raporton ditën e sotme tabloidi britanik “The Sun”, skuadra e Pep Guardiolës duket se i është vënë pas gjermanit. Wirtz kërkohet me ngulm dhe nga Real Madrid.

Skuadra e Cityt e shef Wirtzin si investimin e duhur, për trashëgimtarin e belgut Kevin De Bruyne. Që në merkaton e janarit u pa qartë synimi i anglezëve, të cilët shpenzuan rreth 175 milionë dollarë, për të forcuar skuadrëm me elementë të rinj e për të ulur kështu moshën mesatare të skuadrës. 9 gola e 9 asist në 22 ndeshje për Wirtz këtë sezon, që sikundër edhe sezonin e shkuar vijon të bind duke qenë lideri për skuadrën e “Aspirinave” të Xabi Alonsos.

Merkatoja e verës këtë herë pritet të jetë më e nxehtë se kurrë, me Florian Wirtz që do të jetë në qendër të saj, ndërsa “bigët” e kontinentit do të përfshihen në një ankand mjaftë të fortë për të siguruar shërbimet e gjermanit, raporton BallkanWeb.