Intensitet i lartë punimesh në rrugën B!

Komuna e Prishtinës ka njoftuar se vëllimi i punës po rritet çdo ditë, ndërsa përmirësimi i kushteve të motit po lejon realizimin e punimeve intensive.

Sot, Drejtori i Investimeve Kapitale, Sokol Havolli, së bashku me kolegët nga Drejtoria e Infrastrukturës, ishte në terren për të monitoruar: punimet në rrugën A dhe rregullimet në rrjetin e kanalizimit në rrugën “Ibrahim Lutfiu”.

Po ashtu, u identifikuan me precizitet vendet që kërkojnë riparime në rrugët: Holger Pedersen dhe Malush Kosova.

Pas vizitave në rrugën “Xhavit Ahmeti” (ish rruga e Bledit) dhe “Shkelzen Haradinaj” në Kolovicë, po pritet rifillimi i punimeve për të finalizuar këto projekte të rëndësishme.

Për më tepër, po vazhdojnë vlerësimet për riparime edhe në zonat afër fshatit Zllatar.

“Puna është në përpjekje të vazhdueshme për një Kryeqytet më të zhvilluar dhe më të sigurt!”, ka njoftuar Komuna.