I dyshuari për atentat ndaj Trumpit akuzohet për dy vepra penale

Një burrë i dyshuar për tentim për ta vrarë ish-presidentin amerikan, Donald Trump, është ngarkuar me dy vepra penale për shkeljen e ligjit për armët nga një gjykatë federale të hënën, një ditë pasi ai u vërejt me pushkë në dorë i fshehur në shkurre në fushën e golfit të Trumpit në Floridë.

Ai pritet të përballet me akuza të tjera, por dy akuzat fillestare – posedimi i armës zjarrit si një i dënuar me burgim dhe posedimi i armës së zjarrit me numër të fshirë serik – do t’ua mundësojë autoriteteve ta mbajnë atë në paraburgim gjatë vazhdimit të hetimeve.