Search
Hoxha: Përparim Rama e ka punësuar gruan e tij në komunë, projektet e Donjetës i ka udhëheq ajo

Hoxha: Përparim Rama e ka punësuar gruan e tij në komunë, projektet e Donjetës i ka udhëheq ajo

07/02/2024 06:32

Eliza Hoxha, deputete e Partisë Demokratike të Kosovës (PDK), ka folur për zhvillimet e fundit në Komunën e Prishtinës, ku kreu i kësaj komune Përparim Rama ka shkarkuar disa funksionarë të komunës nga radhët e PDK-së, që i kishte në koalicion, përfshirë edhe Donjeta Sahatçiun që shërbente si nënkryetare.

Hoxha ka thënë se arsyeja pse Donjeta Sahatçiu nuk është parë shumë nëpër aktivitete është për shak se Përparim Rama e ka punësuar gruan e tij në komunë, po që Hoxha sqaron se nuk merr pagë aty.

Megjtihatë, sipas deputetes së PDK-së, gruaja e Ramës ka zyre e email të komunës e organizon aktivitete.

“Rama e ka punësuar gruan e vet aty, pa pare punon aty. Ka email të komunës, shkon në aktivitete që duhet me qenë Donjeta, e jo gruaja e Përparim Ramës”.

“Shumë projekte, për shembull për kancerin e gjinit që ish deshtë me i udhëheq Donjeta, bashkë me kryetarin, atë proces e udhëheq gruaja e tij. Anashkalohet Donjeta dhe i jepet projekti për me i udhëheq zonja Rama. Më vjen keq që po e përmend, sepse e njoh dhe e respektoj personalisht. Por si funksionon është e pandershme, ajo me qenë pjesë e proceseve ku Rama ëshë kryetar, sepse nuk ka punë aty. Nuk është zonja e parë ashtu, Rama nuk është president është kryetar i komunës”, ka thënë Hoxha në T7.