Hovenieri e quan Gjeneralin Clark simbol të mbështetjes amerikane për popullin e Kosovës

Gjenerali amerikan, Wesley Clark, po qëndron në Kosovë.

Gjatë ditës, ai është takuar me ministrin e Mbrojtjes, Ejup Maqedonci.

Ndërkaq, në orët e pasdites, Clark është pritur në takim edhe nga Ambasadori amerikan në Kosovë, Jeff Hovenier.

Ky i fundit tha se është kënaqësi takimi me gjeneralin e pensionuar.

“Gjithmonë kënaqësi takimi me Gjeneralin e pensionuar, Wesley Clark, i cili ka bërë aq shumë për të thelluar lidhjet e forta mes ShBA-së dhe Kosovës, dhe vazhdon të jetë një avokues dhe simbol i mbështetjes amerikane për popullin e Kosovës”, ka shkruar në rrjetet sociale Hovenier.