Hidhet shorti i Kupës së Kosovës, përcaktohen çiftet e 1/16 së finales

Sot, në selinë e Federatës së Futbollit të Kosovës, në prani të Komisionit të Garave dhe përfaqësuesve të klubeve pjesëmarrëse, u hodh shorti për fazën e 1/16 së finales së Kupës së Kosovës në futboll.

Ky short përcaktoi çiftet që do të përballen në këtë raund të garës më masovike në vend.

Ndeshjet e fazës së 1/16 së finales janë planifikuar të zhvillohen më 4 dhe 5 dhjetor 2024, dhe premtojnë disa përballje interesante.

Fituesi i edicionit tëkaluar, Ballkani në këtë rreth do të luajë si mysafir kundër skuadrës së Rilindjes 1974.