Real Sociedad ka arritur marrëveshje të plotë verbale me Barcelonën për transferimin e Hector Fort, me marrëveshjen që tashmë është në fazën finale.

Mbrojtësi spanjoll do t’i bashkohet Real Sociedadit për një shumë prej 8 milionë eurosh, ndërsa Barcelona do të ruajë 50% të të drejtave mbi një shitje të ardhshme, transmeton Klankosova.tv.

Në marrëveshje është përfshirë gjithashtu edhe një klauzolë riblerjeje rreth 20 milionë euro, duke i dhënë Barcelonës mundësinë për të rikthyer në të ardhmen kontrollin mbi lojtarin.