Presidentja në detyrë e Republikës së Kosovës, Albulena Haxhiu, priti në takim Kryemjeshtrin Driton Kuka, trajnerët Majlinda Kelmendi dhe Fatos Tabaku, si dhe ekipin medalist të Lojërave Mesdhetare Taranto 2026.

Gjatë takimit, Presidentja shprehu vlerësimin e saj për kontributin dhe rezultatet e xhudisteve dhe xhudistëve tanë në arenën ndërkombëtare, duke theksuar rëndësinë e sukseseve të tyre në promovimin e Republikës së Kosovës.

Në shenjë mirënjohjeje për përfaqësimin dinjitoz të vendit dhe sukseset e arritura, Presidentja ndau mirënjohje për Kryemjeshtrin Driton Kuka dhe ekipin medalist, të cilët i nderoi gjithashtu me një dhuratë simbolike, gur nga Miniera e Trepçës, si simbol i respektit.