Haradinaj: Krismat e armëve nga Zona Operative e Llapit ishin një sinjal i keq për armikun

Kryetari i AAK-së, Ramush Haradinaj, ka thënë se 26 vjet më parë, nisi një nga betejat më të rëndësishme të Luftës Çlirimtare.

“Krismat e armëve nga Zona Operative e Llapit ishin një sinjal i keq për armikun. Në Betejën e Kaqanollit, ata kuptuan se fryma e mbjellë nga Zahiri, Hakifi e Iliri, jo vetëm që nuk ishte shuar, por do të bëhej gjithashtu shkatërrimtare për planet e tyre djallëzore”, ka shkruar Haradinaj në Facebook.

“Sot, ne përulemi me respekt para dëshmorëve që dhanë jetën: Bekim Maliqi, Bekim Lushaku, Habib Zeka, Nazmi Zhegrova, Fadil Sejdiu, Islam dhe Selim Rekaliu. Kujtimi për ta na bën më të fortë dhe më të vendosur për të rikthyer shpresën për qytetarët tanë. Lavdi e përjetshme!”, ka theksuar Haradinaj.