HomeAktualeHapet panairi “Agrokos” & “Expokos” 2026, thirrje për rritjen e prodhimit vendor...

Hapet panairi “Agrokos” & “Expokos” 2026, thirrje për rritjen e prodhimit vendor dhe uljen e deficitit tregtar

spot_img

Është hapur panairi “Agrokos” & “Expokos” 2026, në të cilin u tha se duhet të bëhet përpjekje më e madhe për ta ulur deficitin tregtar dhe për ta rritur prodhimin vendor.

Ministrja në detyrë e Industrisë, Ndërmarrësisë, Tregtisë dhe Inovacionit, Mimoza Kusari-Lila, duke folur në këtë panair, tha se shteti i Kosovës duhet të fuqizohet dhe të rritet besimi në produktet “Made in Kosova”.

Ajo tha se me një sektor privat të fortë edhe Kosova është e fortë, duke shtuar se përmes resurseve që ka vendi duhet ta ngrehim edhe ekonominë aty ku e meriton.

Bekim Xhafa nga “Agrokos”, tha se ky është viti i 26 që kur organizohet ky panair dhe, sipas tij, ka shërbyer për të gjitha bizneset start-up për të hyrë në treg.

Mirsad Jasarspahic, kryetar i Odës Ekonomike e Bosnjë-Hercegovinës, ka treguar se më vendimin e qeverisë për t’ua larguar vizat këtyre të fundit është lehtësuar pjesëmarrja në panairet në Kosovë.
Edhe ministri i Punës, Andin Hoti, ka vizituar panairin “Agrokos & Turizëm 2026”, një ngjarje që pasqyron potencialin, kreativitetin dhe frymën sipërmarrëse të prodhuesve tanë vendorë.

“Ishte kënaqësi të shoh nga afër produktet vendore, iniciativat e reja dhe energjinë krijuese që po e fuqizon sektorin agro dhe atë të turizmit. Mbështetja e prodhimit vendor dhe promovimi i potencialit tonë ekonomik mbeten ndër prioritetet kryesore për zhvillimin e qëndrueshëm të vendit.

Gjatë bashkëbisedimeve me pjesëmarrësit e panairit, theksova edhe rëndësinë e politikave aktive të punësimit, me fokus të veçantë te të rinjtë dhe gratë”, ka theksuar Hoti.

Ai ka thënë se në këtë drejtim programi Super Puna po vazhdon të mbështesë të rinjtë me subvencionim prej 500 eurosh në muaj për gjashtë muaj, duke u krijuar mundësi më të mira për punësim dhe fitim të përvojës profesionale.

“Po ashtu, kemi paraqitur edhe Super Punën për Gratë, një masë e re që do të bëhet aktive në fillim të mandatit të ri, me synimin për ta rritur pjesëmarrjen e grave në tregun e punës dhe fuqizimin e tyre ekonomik”, ka deklaruar Hoti.

Lajmet e Fundit

Mot i vranët e me reshje shiu këtë javë, por me temperatura më të larta

Moti në Kosovë gjatë javës së ardhshme pritet të jetë me vranësira të shpeshta,...

“Liria ka Emër” planifikon peticion dhe grevë për vendimin në Hagë

Ismail Tasholli nga platforma “Liria ka emër”, ka deklaruar se po planifikohet një peticion...

Trainkos njofton për ndërprerjen e qarkullimit të trenave, shkak greva

Ndërmarrja Publike Trainkos ka njoftuar se për shkak të grevës nesër do të ndërpritet...

Agim Ademi mirëpret në Kosovë Enis Rexhepin: Mirë se erdhe në shtëpinë tënde!

Presidenti i Federatës së Futbollit të Kosovës (FFK), Agim Ademi, ka pritur në Kosovë...

Më të lexuarat

Nga reforma territoriale te decentralizimi real në Shqipëri 

Shkruan: Besnik Tahiri Qëndrim këshillues për fazën e ardhshme të reformës së pushtetit vendor në...

SPECIALJA, NDRYSHIM I LIGJIT APO ZHBËRJE E SAJ?

Shkruan: Hisen Berisha Çështja që është ngritur pas aktgjykimit të 16 shtatorit 2026 nuk mund...

DEKLARATË PËR TA ZGJATUR JETËN E DHOMAVE SPECIALE

Shkruan: Hisen Berisha (Nga deklarata te mos/veprimi shtetëror, nga letra me thirrjen “Shko, Hashim” te...