Hamza: Mikpritje e jashtëzakonshme në sheshin e Gjilanit

“Mikpritje e jashtëzakonshme në sheshin e Gjilanit. Ky qytet me plot potencial, i cili është lënë në pritje të investimeve që disa vjet, ka vendosur për Kosovën që mundet ma mirë”, ka shkruar në Facebook kandidati i PDK-së për kryeministër Bedri Hamza.

Ai ka theksuar se më 9 shkurt, përfundon pritja edhe këtu.

“Autostradën Prishtinë – Gjilan – Dheu i Bardhë do ta përfundojmë. Stadiumin e qytetit, i cili ka mbetur punishte e hapur për shumë gjatë, do ta ndërtojmë. Edhe kampusin universitar “Kadri Zeka” do ta rregullojmë! Anamorava ka nevojë për punë dhe investime konkrete. Për #MaMirë për Gjilanin dhe Kosovën, votoni numrin 131”, ka shkruar Hamza.