Kryetari i PDK-së, Bedri Hamza, ka ftuar qytetarët që më 1 tetor t’i bashkohen protestës në sheshin “Skënderbeu” në Prishtinë.
Përmes një deklarate, Hamza ka bërë me dije se protesta do të nisë në orën 16:00 dhe se në të pritet të marrin pjesë studentë, veteranë dhe qytetarë.
“Ju ftoj që më 1 tetor, në orën 16:00, në sheshin ‘Skënderbeu’ në Prishtinë, të bashkohemi me studentët, veteranët dhe qytetarët e vendit tonë për të ngritur zërin kundër padrejtësisë në Hagë”, ka deklaruar Hamza.
Ai ka bërë thirrje për bashkim në mbrojtje të asaj që e cilëson si të drejtë dhe dinjitet.
“Të gjithë bashkë, më 1 tetor! Të gjithë bashkë kundër padrejtësisë!”, ka përfunduar Hamza.