Goli i Kosovare Asllanit, vendimtar në fitoren e Suedisë kundër Italisë

Lojtarja kosovare me nënshtetësi suedeze, Kosovare Asllani, ka shënuar gol ndaj Italisë në ballafaqimin në kuadër të Ligës së Kombeve.

Azzuret ishin të parat që kaluan në epërsi në minutën e parë të ndeshjes, kurse baraspeshën në fushë e vuri pikërisht Kosovare Asllani në minutën e 56-të.

Ndërsa epërsinë Suedia e arriti në minutën e 75-të me Angeldal, por 10 minuta më vonë, rezultati u barazua sërish pasi për Italinë shënoi Cambiaghi, njofton Klankosova.tv.

Fitoren Suedia e arriti krejt në fund të duelit, ku Rolfo u tregua e saktë nga pika e bardhë në minutën e 95-të.

Me këtë fitore, Suedia e kryeson grupin 4 të Ligës A në Ligën e Kombeve me shtatë pikë, teksa Italia pozicionohet në vendin e tretë me tri pikë.