GJKKO konfirmoi arrestin me burg/ Ish-Presidenti dërgohet te ‘313’-a, çfarë pritet të ndodhë me Ilir Metën

Ish-presidenti i Republikës së Shqipërisë, Ilir Meta është dërguar në ambientet e paraburgimit në burgun 313 në Tiranë pasi GJKKO konfirmoi masën e arrestit ndaj tij.

Sipas raportimit të gazetares Klodiana Lala, mbrëmjen e sotme Meta do të qëndrojë në dhomën e observimit, raporton BallkanWeb.

Aty ai do të intervistohet nga punonjësit e burgjeve nëse ka konflikte me të paraburgosurit e tjerë, në mënyrë që të identifikojë personat e mundshëm me të cilët mund të ketë konflikte.

Kjo procedurë do të ndiqet për Metën në mënyrë që të evitohen sulmet e mundshme ndaj tij për arsye të detyrave të rëndësishme që ai ka mbajtur.

Meta ka shërbyer si kryeministër i Shqipërisë, kryetar i Parlamentit, President, si edhe ministër në disa dikastere përgjatë karrierës së tij mbi 30-vjeçare.