Gjeorgjia mposht Portugalinë, shkruan historinë në Euro 2024

Gjeorgjia ka mposhtur Portugalinë me rezultat 2-0 në ndeshjen e fundit të fazës së grupeve në kuadër të grupit F në Euro 2024.

Kjo fitore e dërgon tutje Gjeorgjinë e Willi Sagnol dhe Khvicha Kvaratskhelia, ndërsa Portugalia e kishte siguruar kalimin tutje, por edhe vendin e parë në grup para ndeshjes.

Edhe përkundër kësaj, Cristiano Ronaldo nuk pushoi, me kapitenin portugez që startoi ndaj gjeorgjianëve në ndjekje të rekordeve.

Por që në minutën e dytë, gjeorgjianët morën epërsinë me Georges Mikautadze që asistoi te Khvicha Kvaratskhelia i cili shënoi për 1-0.

Portugezët kishin disa raste, me Cristiano Ronaldon dhe Francisco Conceicao, por portieri Giorgi Mamardashvil ishte në vend.

Në pjesën e dytë, Gjeorgjia fitoi penallti dhe Georges Mikautadze arriti ta mposht Diogo Costa për 2-0.