Gërvalla priti në takim lamtumirës ambasadorin britanik Abbott

Ministrja e Punëve të Jashtme dhe Diasporës, Donika Gërvalla, ka pritur sot në takim lamtumirës ambasadorin britanik në Kosovë, Nicholas Abbott.

Sipas njoftimit nga Ministria, Gërvalla falënderoi Abbott për bashkëpunimin e tij gjatë shërbimit në Kosovë.

Njëkohësisht ajo shprehi mirënjohje edhe ndaj mbështetjes së vazhduar nga Mbretëria e Bashkuar, për Republikën e Kosovës.

Njoftimi i plotë:

Ministrja Gërvalla pret në takim lamtumirës ambasadorin britanik në Kosovë, Nicholas Abbott
Zëvendëskryeministrja dhe Ministrja e Punëve të Jashtme dhe Diasporës, znj. Donika Gërvalla, priti në takim lamtumirës ambasadorin e Mbretërisë së Bashkuar, në Kosovë, Nicholas Abbott, të cilin e falënderoi për bashkëpunimin e shkëlqyeshëm gjatë shërbimit të tij në Kosovë.
Ministrja Gërvalla e falënderoi ambasadorin Abbott edhe për mbështetjen e vazhdueshme që Mbretëria e Bashkuar i ka dhënë Kosovës, që nga çlirimi, pavarësia, shtetndërtimi dhe integrimi euroatlantik si dhe rolin e rëndësishëm që e luan sot në përballje me situatën gjeopolitike dhe të sigurisë në rajon, Evropë dhe në botë.
Ministrja Gërvalla vlerësoi lart rolin e Ambasadorit Abbott në thellimin e bashkëpunimit dhe miqësisë mes dy vendeve dhe i uroi Ambasadorit suksese në misionet e tij të ardhshme.