Futbollisti i FC Barcelona-s, Pablo Páez Gavira, i njohur më mirë si Gavi , raportohet se ka ndarë 1.3 milion euro për një projekt strehimi për njerëzit që janë të pastrehë ose në situata të cenueshme në Los Palacios y Villafranca, qytetin në Sevilje ku ai lindi dhe u rrit, transmeton Klankosova.tv

Sipas mediave spanjolle, iniciativa përfshin ndërtimin e 150 apartamenteve me kapacitet për rreth 300 persona . Qëllimi është të sigurohet strehim i qëndrueshëm për banorët vendas që përballen me vështirësi në aksesin në strehim.

Projekti përfaqëson një investim veçanërisht të rëndësishëm për mesfushorin për shkak të lidhjeve të tij të ngushta me Los Palacios y Villafranca , një komunë që ai e la në një moshë shumë të re për të vazhduar stërvitjen e tij si futbollist dhe ku ai mbetet një figurë shumë e dashur.