FFK-ja gjatë vitit 2024 vazhdoi me ritëm të lartë të punës, ja disa nga sukseset e arritura

Federata e Futbollit të Kosovës (FFK), gjatë vitit që lamë pas ka vazhduar me ritëm të lartë të punës në shumë fusha.

Çdo 45 ditë është ndërtuar një fushë e re në çdo rajon të Kosovës.

“Gjatë vitit ndërtuam 8 fusha të reja: Hogosht, Fushë Kosovë, Dragash, Mitrovicë, 2 Korriku – Prishtinë, Rahovec, Shtime dhe Istog”, ka njoftuar FFK-ja në faqen zyrtare në “Facebook”.

Një tjetër sukses i FFK-së ishte edhe edukimi i trajnerëve, që është një nga shtyllat kryesore të FFK-së.

“Gjatë 2024 organizuam kurse të licencës D, C, B dhe A. Kosova gjatë vitit 2024 ka fituar 417 trajnerë të rinj të certifikuar!”, ka njoftuar FFK-ja.

Po ashtu, 2024 ishte një vit i mrekullueshëm për referimin.

“Ky vit na solli 74 djem e vajza të reja, gati për të ndarë drejtësinë në fushat e gjelbra. Gjyqtarët janë pjesë thelbësore e lojës së futbollit”, ka njoftuar Federata e Futbollit të Kosovës.