FC Prishtina ka arritur marrëveshje me Alban Shalën, i cili i bashkohet klubit në rolin e përgatitësit kondicional.

Shala vjen te bardhekaltrit me një përvojë të rëndësishme në futbollin vendor dhe rajonal.

Gjatë karrierës së tij, ai ka qenë pjesë e shtabit teknik të FC Ballkanit, KF Laçit dhe KF Lirisë, ndërsa ka punuar edhe me Kombëtaren e Shqipërisë U21.

Me njohuritë dhe eksperiencën e tij në përgatitjen fizike të futbollistëve, Shala do t’i bashkohet stafit teknik të ekipit në prag të nisjes së përgatitjeve për edicionin e ri, duke sjellë profesionalizëm, përkushtim dhe energji të re në punën e përditshme të skuadrës.

FC Prishtina i uron Alban Shalës mirëseardhje në familjen bardhekaltër dhe suksese në këtë kapitull të ri me klubin tonë.