Presidenti i Federatës së Futbollit të Kosovës, Agim Ademi, ka uruar FC Policia e Kosovës për shpalljen kampione në Ligën e Parë të futsallit dhe sigurimin e inkuadrimit në Superligën e Kosovës për edicionin e ardhshëm.

Përmes një postimi publik, Ademi ka vlerësuar suksesin e skuadrës së Policisë së Kosovës, duke theksuar se ekipi, i cili vetëm një vit më parë iu bashkua garave nën ombrellën e FFK-së, dëshmoi organizim, disiplinë dhe cilësi të lartë sportive gjatë gjithë kampionatit.

Postimi i Ademit:

Urime FC Policia e Kosovës për titullin kampion në Ligën e Parë të futsallit dhe inkuadrimin në Superligën e Kosovës! 🏆⚽️👏👮‍♂️

Sonte patëm kënaqësinë ta ndajmë trofeun e kampionit për FC Policia e Kosovës, ekip i cili vetëm një vit më parë iu bashkua garave nën ombrellën e FFK-së, ndërsa në këtë edicion dëshmoi organizim, disiplinë dhe cilësi të jashtëzakonshme sportive.

Me paraqitje të shkëlqyera gjatë gjithë kampionatit, skuadra e Policisë së Kosovës arriti me plot meritë të shpallet kampione e Ligës së Parë dhe të sigurojë promovimin në elitën e futsallit kosovar për edicionin e ardhshëm.

Ky sukses pasqyron vlerat që përfaqëson edhe vet institucioni i Policisë së Kosovës, përkushtimin, profesionalizmin dhe punën ekipore. Me këtë rast, përgëzova drejtorin e përgjithshëm të Policisë së Kosovës, Gazmend Hoxha, si dhe lojtarët, stafin teknik dhe gjithë pjesëtarët e klubit për këtë arritje të rëndësishme.

Njëkohësisht, urime edhe për FC Rahovecin për rikthimin në Superligën e Kosovës në futsall.

Suksese të dyja skuadrave në elitën e futsallit kosovar! ⚽🏆