Ish-ministri i Punëve të Jashtme dhe deputeti i Kuvendit të Kosovës, Enver Hoxhaj, ka njoftuar se do të marrë pjesë si folës në Konferencën e Sigurisë në Berlin (BSC26).

Përmes një postimi, Hoxhaj ka theksuar se në një kohë kur rendi evropian i sigurisë po vihet në provë, nevojiten qëndrime të qarta, aleanca të forta dhe vendime që shoqërohen me veprime konkrete.

Ai ka bërë të ditur se në këtë konferencë do të theksojë rëndësinë strategjike që ka për Evropën një Ballkan Perëndimor i sigurt dhe i integruar në strukturat euroatlantike.

“Në një kohë kur rendi evropian i sigurisë po vihet në provë, na duhen qëndrime të qarta, aleanca të forta dhe vendime që shoqërohen me veprime”, ka shkruar Hoxhaj.

Pjesëmarrja e tij në këtë konferencë do të jetë një mundësi për të paraqitur qëndrimet e tij mbi sigurinë rajonale dhe rëndësinë e integrimit euroatlantik të Ballkanit Perëndimor.