“Edhe Rruga A do të përmbytet nga vërshimet”

Faktori njeri, ndërtimet pa plane të fizibilitetit, mosmirëmbajtja e infrastrukturës nëntokësore janë vetëm disa nga shkaktarët që qojnë në përmbyjtje.

Ndonëse reshjet atmosferike janë të pakontrollueshme nga njeriu, dëmet që sjellin ato mund të menaxhohen e të jenë më të vogla në rast të një koordinimi më të mirë institucional.

Kryeqyteti i Kosovës është i vetmi qytet pa lum, kjo pasi dy lumenjët e tij ishin varrosur vjet më parë, kjo shpeshherë sjell atë që mund të quhet hakmarrje e natyrës.

Sipas arkitektit Ibrahim Beqiri, një element që është fajtor pse Prishtina po rrëmbehet nga uji janë dy lumenjët e saj tashmë të mbuluar, Vellusha dhe Prishtevka.

Tjetër element që është shkaktar i vërshimeve në qytet, sipas Beqirit është edhe ndërtimi i numrit të madh të banesave në lagjet të cilat janë të ndërtuara dhe parapara vetëm për shtëpi banimi, mirëpo nuk kanë kapacitet më që të durojnë 10 herë më shumë banorë.

Sipas njohësit të arkitekturës dhe urbanizmit, një ndër mënyrat kryesore se si mund të zgjidhet ky problem, është ndarja e ujërave të zeza prej atyre atmosferike.

Ngase sipas tij, ato ndonëse mund të ndahen në ndonjë pjesë të qytetit, prapë bashkohen diku tjetër.

Madje Beqiri, tregon edhe për një metodë e cila sipas tij mund të jetë zgjidhje efikase e këtij problemi të kamotshëm të Prishtinës, “sponge cities”.

Sipas Ibrahimit, edhe rruga A e cila është në ndërtim e sipër, kurdo që të finalizohet, do të jetë target i natyrës duke u bazuar në mënyrën se si është duke u ndërtuar.