Dy të dyshuar në rastin e vrasjes së policit Muhamed Lika

Prokuroria Themelore në Ferizaj ka mbajtur konferencë për media lidhru me vrasjen e rreshterit Muhamed Lika në Kaçanik.

Kryeprokurori Burim Çerkini ka bërë të ditur se të dyshuar janë dy persona, të cilët ende janë të panjohur për organet e rendit, transmeton Klankosova.tv.

“Siç dihet, mbrëmë më 1 prill, rreth orës 23:00, në Kaçanik, nga dy persona të panjohur, është vrarë pjesëtari i Policisë së Kosovës, Muhamed Lika. I njëjti, në kohën kur ka ndodhur rasti, ka qenë duke u kthyer nga puna. Në shkallët e ndërtesës nga persona të panjohur është qëlluar, dhe nga plagët vdekjeprurëse ka ndërruar jetë”, tha ai në konferencën për media.