Dua Lipa dhe Callum Turner kanë treguar se ende po shijojnë emocionet e muajve të parë të martesës, teksa u shfaqën shumë të afërt gjatë një ndeshjeje të New York Yankees në Yankee Stadium.

Këngëtarja 31-vjeçare dhe aktori 36-vjeçar, të cilët u martuan në muajin maj në Marylebone Town Hall në Londër dhe më pas organizuan një festë madhështore disa-ditore në Itali në qershor, u fotografuan duke u përqafuar dhe puthur gjatë ndeshjes së playoff-it të MLB American League Division Series mes New York Yankees dhe Tampa Bay Rays.

Dua zgjodhi një paraqitje elegante për mbrëmjen sportive, me një xhaketë të kuqe të errët me efekt krokodili, ndërsa flokët e saj të zinj i kishte lënë të lëshuar mbi supe.

Callum, ndërkohë, u shfaq me një pulovër krem me zinxhir, ndërsa mbante edhe një dorë të madhe prej sfungjeri në ngjyrë blu, duke treguar mbështetjen e tij për ekipin e New York-ut.