Federata e Futbollit e Kosovës (FFK) ka uruar FC Dritën për kualifikimin në raundin e tretë të UEFA Conference League, pas fitores 2:1 ndaj Florianës së Maltës, pas 120 minutave lojë në stadiumin “Fadil Vokrri”.

Pas barazimit 1:1 në ndeshjen e parë në Maltë dhe rezultatit të njëjtë në kohën e rregullt të ndeshjes së kthimit, kampionët e Kosovës siguruan kualifikimin në vazhdime, duke përmbysur rezultatin nga 0:1 në 2:1.

FFK vlerësoi karakterin, forcën dhe mentalitetin fitues të skuadrës gjilanase, duke përgëzuar futbollistët, stafin teknik, drejtuesit e klubit dhe tifozët “Intelektualët” për suksesin e arritur.

“FC Dritës i urojmë shumë suksese në raundin e tretë të UEFA Conference League, paraqitje edhe më të mira në vazhdim dhe një përfaqësim sa më dinjitoz të futbollit të Kosovës”, thuhet në urimin e FFK-së.