Drita dhe Prishtina sigurojnë vendin në gjysmëfinale me fitore bindëse

Drita dhe Prishtina sigurojnë vendin në gjysmëfinale me fitore bindëse

Spektakël golash dhe emocione të forta kanë karakterizuar dy ndeshjet e fundit çerekfinale të Kupës së Kosovës, ku Drita dhe Prishtina kanë siguruar kalimin në fazën gjysmëfinale.

Në një paraqitje mbresëlënëse, Drita triumfoi me rezultat të lartë 4:0 ndaj Prishtinës së Re.

Golat e shënuar nga Rron Broja (7′), Kastriot Selmani (47′), Arb Manaj (59′) dhe Iljasa Zulfiu (88′) vulosën  fitoren e merituar për gjilanasit.

Me po aq gola fitoi edhe Prishtina kundër Vëllaznimit (4:0). Najeeb Yakubu (17′), Dion Gallapeni (59′), Ron Raçi (70′) dhe Alban Shillova (82′) ishin protagonistët e golave për kryeqytetasit.

Kësisoj, Drita dhe Prishtina i bashkohen Llapit dhe Drenicës, të cilat siguruan kualifikimin në fazën gjysmëfinale një ditë më parë.