Dortmund në krizë total, Sahin rrezikon shkarkimin, Ten Hag në pritje

Holstein Keil, vendi i parafundit në Bundesligë, befason B.Dortmund duke i shkaktuar një humbje të rëndë, një humbje me “poker” golash që vendos në pikëpyetje të fortë sezonin e Dortmund pasi e shohin veten totalisht jashtë çdo objektivi, për momentin ndodhen në vendin e 9-të në kuotën e 25 pikëve.

Holstein Keil ishte i papërmbajtshëm në fraksionin e parë duke realizuar 3 gola. Dortmund u zgjua, dhe në minutën e 71-të, Reyna ngushtoi shifrat në 3-1, ndërsa 6 minuta më pas, Gittnes realizoi edhe golin e dytë duke krijuar iluzionin se mund ta përmbysnin këtë takim, jo vetëm që nuk e bënë diçka të tillë, por në shtesë vendasit kompletuan “pokerin” e golave duke sigluar shifrat në 4-2.

Në Gjermani, të gjithë flasin për një shkarkim të mundshëm të Nuri Sahin. Jo vetëm kaq, por mediat kanë spikatur edhe pasuesin e tij në krye të Dortmund. Për momentin favoriti kryesor është Erik ten Hag, ish trajneri i Man.United, i pa punë që pas shkarkimit nga “djajtë e kuq”, raporton BalkanWeb.