Doarsa Kica-Xhelili: LDK-ja nuk bën koalicion me kryeministër Kurtin

Deputetja e LDK-së, Doarsa Kica-Xhelili, ka thënë se partia e saj nuk ka vija të kuqe me asnjë parti, por ka theksuar se nuk bëjnë koalicion nëse kryeministër propozohet të jetë Albin Kurti.

Ajo është shprehur se LDK-ja pas zgjedhjeve do ta shohë pozicionin e saj.

“LDK-ja nuk ka vija të kuqe me askënd. Dukshëm vijat e kuqe ndër vite janë shndërruar në të kaltra e të gjelbra. LDK-ja nuk bën koalicion me kryeministër Albin Kurtin, nuk bën koalicion nëse ai është kryeministër. LDK-ja ka me ofertu iniciativën e vet politike, dhe ka për të shikuar se ku e pozicionon qytetari, pastaj shohim e bëjmë”, ka deklaruar ajo në RTV Dukagjini.

Kica-Xhelili ka drejtuar kritika ndaj Kurtit, për të cilin tha se nuk e di as çka është Kushtetuta.

“E ki kryeministrin e Kosovës që aktin më të lartë e ka Kushtetutën, idenë më të vogël nuk e ka çka është Kushtetuta… s’e ka idenë e ndarjes së pushteteve, apo nuk i konvenon demokracia si sistem. Kryeministrit nuk i konvenon demokracia si sistem”, ka theksuar ajo.