Delegacioni i FSK-së vizitoi Shkollën e Nënoficerëve në Gjermani

Delegacioni i FSK-së nga Komanda e Doktrinës dhe Stërvitjes (KDS) kanë vizituar Shkollën e Nënoficerëve të Forcave Tokësore të Ushtrisë Gjermane në Delitszch të Gjermanisë.

Vizita u realizua në kuadër të planit bilateral ndërmjet FSK-së dhe Ushtrisë Gjermane.

Fillimisht pjesëtarët e KDS u pritën nga Komandanti i Shkollës Kolonel Schnebelt dhe stafi i tij, ata u njoftuan nga afër me sistemin e shkollimit të NOF gjermanë, metodikën e ligjëratave si dhe shikuan nga afër trajnimet në orët praktike që u mbajtën.

Vizita kishte për qëllim shkëmbimin e përvojave, si dhe krijimin dhe përforcimin e bashkëpunimit ndërmjet shkollave.

Në përfundim të vizitës palët pjesëmarrëse u zotuan për thellim të bashkëpunimit në të ardhmen.