Ish deputeti i AAK-së, Daut Haradinaj, ka kërkuar që qeveria e ardhshme e Kosovës ta ketë prioritet rikthimin e projektit amerikan për gazin dhe projektit energjetik për ndërtimin e një termocentrali të ri.

Përmes një postimi publik, Haradinaj ka theksuar se pavarësia energjetike është e lidhur ngushtë me zhvillimin ekonomik dhe sigurinë kombëtare të vendit.

“Kushdo që e formon qeverinë e ardhshme të Kosovës, do të duhej që pika e parë të jetë rikthimi i projektit amerikan për gazin dhe rikthimi i projektit energjetik të termocentralit të ri. Pavarësia energjetike nënkupton edhe zhvillim, edhe siguri kombëtare. Çdo devijim nga këto dy tema lë të kuptohet se i shërben agjendave anti-Kosovë dhe anti-Amerikë”, ka shkruar Haradinaj në Facebook.