Çollaku rizgjidhet në krye të LRFPZ-së, Ademi: Do t’i japim mbështetje zhvillimit të futbollit

Presidenti i FFK-së, Agim Ademi, ka marrë pjesë në Kuvendin Zgjedhor të Lidhjes Rajonale të Futbollit të Prizrenit, ku kryetar i saj u rizgjodh Mirsad Çollaku.

“Lidhja Rajonale e Futbollit të Prizrenit mbajti sot Kuvendin Zgjedhor. Me vota unanime të delegatëve Mirsad Çollaku u rizgjedh për një mandat të ri katërvjeçar në krye të LRFPZ-së. E përgëzova për rizgjedhjen Çollakun dhe e falënderova komunitetin e futbollit të rajonit të Prizrenit për unanimitetin e treguar dhe mbështetjen e vazhdueshme që po i japin zhvillimit të futbollit”, ka shkruar Ademi në “Facebook”.

Ai ka thënë se do të vazhdojnë çdo ditë të punojnë pa pushim që të përmirësojnë kushtet e punës dhe infrastrukturës, si dhe zhvillimin e kuadrove, për një të ardhme më të ndritur të futbollit.