City me gjashtë futbollistë në formacionin e vitit të FIFA-s

Gjashtë futbollistë të Manchester Cityt janë përfshirë në njëmbëdhjetëshen më të mirë të vitit 2023.

Shpallja për formacionin më të mirë për vitin e kaluar është bërë në një ceremoni të organizuar të hënën në Londër.

City gjatë edicionit të kaluar ka fituar Champions League, Premier League dhe FA Cup, ndërsa Kyle Walker, John Stones, Rúben Dias, Bernardo Silva, Kevin De Bruyne dhe Erling Haaland kanë zënë vend në njëmbëdhjetëshen më të mirë. Pjesë përbërëse e formacionit kanë qenë Thibaut Courtois, Jude Bellingham, Lionel Messi, Vinicius Junior dhe Kylian Mbappe.