City e bën dramë por shkon në Play off të Champions, fitojnë Real, Bayern e Inter! Bien Juve e Milan

Përfundon faza e ligës në UEFA Champions League. Këtë të mërkurë u mësuan 8 skuadrat e para që kualifikohen direkt dhe gjithashtu edhe ato që u renditen nga vendi i 9-të në të 24-të, duke shkuar në Play Off.

Manchester City e bën dramë ndaj Clubbe Brugge. Të besuarit e Guardiolës siguruan një vend një Play Off, por për të bërë diçka të tillë, u desh fitorja me përmbysje 3-1 ndaj belgëve që bënë një ndeshje për t’u duartrokitur, raporton BallkanWeb.

Në Play Off shkon edhe PSG, që thyen pastër 1-4 Stuttgartin. Triumfon 0-3 edhe Real Madrid ndja Brest, me Los Blancos që renditen në vendin e 12-të. Juventus u mund 0-2 ndaj Benficës, me të dyja skuadrat që shkojnë në Play Off. Takimi mes Dinamo Zagreb dhe Milan u mbyll 2-1 për kroatët, rezultat ky që bën që ekipi i Conseicaos të mos kualifikohet direkt, por me Play Off.

Bayern e sheh veten në vendin e 12-të, pasi mundi 3-1 Slovan Bratislavën, ndërsa Barcelona-Atalanta përfundoi 2-2.

Interi nuk has aspak vështirësi ndaj Monacos. Zikaltërit fituan pastër 3-0, duke mos e vendosur për asnjë moment në dyshim takimin. Me këtë fitore, ekipi i Inzaghit e mbyll i katërti. Bashkë me Interin, të kualifikikuara direkt janë edhe Liverpool, Barcelona, Arsenal, Atletico, Leverkusen, Lille dhe Aston Villa.