Çitaku: Nuk ka asnjë projekt të realizuar nga kjo qeveri

Sekretarja e Përgjithshme e Partisë Demokratike të Kosovës (PDK), Vlora Çitaku, ka thënë se dialogu me Serbinë është i vetmi produkt i qeverisë së Albin Kurtit, për katër vjet të mandatit të tij.

Në një bisedë për Ekonomia Online, ajo ka theksuar se Kurti kishte marrë detyrën duke pasur në tryezë letra nga presidentët amerikanë që kërkonin një marrëveshje finale gjithëpërfshirëse, me njohjen reciproke në qendër, por që sipas saj, me sjellje të “papërgjegjshme” e “aventureske” të qeverisë, Kosova sot ka rezultuar me një marrëveshje që nuk është as gjithëpërfshirëse dhe nuk ka njohjen reciproke në qendër.

Gjithashtu, zyrtarja e PDK-së kritikoi qeverinë edhe për refuzimin e dialogut social dhe për qasjen ndaj mendimeve ndryshe. Ajo tha se qeveria është përpjekur që të nënshtrojë sindikatat, bizneset, opozitën dhe institucionet e pavarura, përfshirë edhe Gjykatën Kushtetuese dhe mediat.