Çitaku: Gjykata Speciale ka përfunduar në një mekanizëm përndjekës

Nënkryetarja e PDK-së, Vlora Çitaku, ka reaguar pas bastisjeve që po vazhdon Gjykata Speciale në raport me figurat e Ushtrisë Çlirimtare të Kosovës, tash së fundi për paraqitje në EULEX edhe me Sami Lushtakun dhe Sylejman Selimin.

Çitaku ka shkruar në Facebook se Hashim Thaçi, Kadri Veseli, Jakup Krasniqi, Rexhep Selimi tash e gati katër vite po mbahen peng në një proces absurd në Hagë.

“Një Gjykatë e cila kishte për detyrë të bënte drejtësi pas akuzave monstruoze e të fabrikuara për trafikim organesh, ka përfunduar në një mekanizëm përndjekës, duke konfiskuar telefona, duke bastisur shtëpi, e duke u përpjekur të instalojë frikë e terror”.

“Mungesa e provave në proces po mundohet të kompenzohet me krijim të dramave këtu brenda Kosovës. Të tilla ishin edhe këto skenaret e ditëve të fundit me Hajredin Kuqin, Sami Lushtakun dhe Sylejman Selimin”.

“Keni me dështu. Nuk ju frikësohet askush. Sepse nuk kemi pse. Dielli do të lindë përsëri”, ka shkruar Çitaku.