Çiklisti kosovar Albion Kastrati ka përmbyllur paraqitjen e tij në disiplinën e kronometrit individual (ITT) në Lojërat Mesdhetare “Taranto 2026”, duke siguruar një vend në top 20.

Kastrati u rendit në vendin e 20-të në një konkurrencë të fortë ndërkombëtare, duke regjistruar kështu një rezultat të rëndësishëm për çiklizmin kosovar në arenën ndërkombëtare, raporton kosovapress, transmeton Klankosova.tv.

Paraqitja e tij në Taranto përbën një tjetër përvojë të vlefshme për çiklistin kosovar dhe një pikë referimi për sfidat e ardhshme.

Megjithatë, gara për çiklistët kosovarë nuk përfundon këtu. Të hënën, përfaqësuesit e Kosovës do të zbresin sërish në shteg, kësaj radhe për garën e rrugës, ku do të kërkojnë rezultate sa më të mira.

Kosova vazhdon kështu përfaqësimin në Lojërat Mesdhetare “Taranto 2026”, me synimin për të lënë gjurmë edhe në garat e ardhshme.