Cikalleshi lihet jashtë ekipit në Turqi

Konyaspor po kalon periudhë të vështirë në aspektin financiar.

Klubi turk nuk ka kryer të gjitha pagesat në kohën e duhur për disa futbollistë, duke krijuar kështu shumë pakënaqësi në ambientin përreth.

Sokol Cikalleshi dhe portieri Paul Bernardon nuk u grumbulluan për ndeshjen ndaj Gallatasaray, për shkak se ngritën zërin për çështjen e rrogave. Pikërisht për këtë arsye, trajneri i Konyaspor vendosi t’i lërë futbollistët në shtëpi.

Sipas asaj që shkruajnë mediat, lojtari kuqezi ka 3 muaj pa marrë rrogën.

Sokol Cikalleshi është golashënuesi më i mirë i skuadrës këtë sezon me 8 gola dhe 2 asiste.

Në krahun tjetër, portieri Paul Bernardoni luajti në 17 ndeshje këtë sezon.