Bisedimet e armëpushimit ‘pranë kolapsit’

Bisedimet për armëpushimin janë afër kolapsit, i ka thënë Reuters një zyrtar i informuar mbi diskutimet.

Ata thanë se kreu i CIA-s do të udhëtojë në Katar për të takuar kryeministrin e saj, Mohammed bin Abdulrahman bin Jassim al Thani, në dritën e zhvillimeve.

Katari dhe ShBA do të ushtrojnë “presion maksimal” si mbi Izraelin ashtu edhe mbi Hamasin për të vazhduar negociatat, tha burimi.

Ndërkohë, Hamasi ka thënë se raundi i negociatave në Kajro ka përfunduar dhe delegacioni i tij synon të largohet sonte për t’u konsultuar me lidershipin e tij.

Hamasi dëshiron që çdo armëpushim të bëhet një fund i përhershëm i luftës, por kryeministri, Benjamin Netanyahu dhe kabineti izraelit duan të shohin shkatërrimin e Hamasit.