Bedri Hamza ka deklaruar se Partia Demokratike e Kosovës është mobilizuar në të gjithë vendin për zgjedhjet e 7 qershorit, duke theksuar se synim i tyre është “ndalja e krizës” dhe ndryshimi i gjendjes në Kosovë.

Përmes një postimi, Hamza bëri të ditur se bashkë me anëtarët dhe kandidatët për kuvende komunale nga e gjithë Kosova kanë konfirmuar vendosmërinë për të kundërshtuar, siç tha ai, çmimet dhe tatimet e larta, pagat e pamjaftueshme, stagnimin ekonomik, regresin, ikjen e të rinjve dhe polarizimin në vend.

Ai u shpreh se ndryshimi fillon nga qytetarët dhe nga çdo qytet, fshat e lagje ku kërkohet më shumë dinjitet, zhvillim dhe shpresë për të ardhmen.

Hamza ka bërë thirrje që më 7 qershor qytetarët të mbështesin PDK-në për të realizuar, sipas tij, “kthesën e madhe për Kosovën”.