Bayerni me transferime të reja në janar

Trajneri i Bayern Munchenit, Thomas Tuchel, e ka konfirmuar që klubi do të bëjë transferime të reja në afatin kalimtar të janarit.

Bavarezët u përforcuan gjatë verës me një top qendërsulmues, Harry Kane, si dhe me mbrojtësin më të mirë të Serie A-së, Kim Minjae, mirëpo ende e shohin nevojë për transferime të reja.

“Po punojmë në transferime të reja. Me shpresë do ta përmirësojmë skuadrën në dimër”, ka thënë Tucheli për reporterët.

“Nuk ka për të qenë e lehtë sepse afati kalimtar i janarit është gjithmonë më i vështirë se sa ai i verës. Mirëpo në të njëjtën kohë, ne besojmë në cilësinë të cilën e kemi”.