Basketbollistët e Kosovës po vazhdojnë përgatitjet intensive

Basketbollistët e Kosovës po vazhdojnë përgatitjet intensive për dy ndeshjet e muajit shkurt.

Dardanët filluan stërvitjet të dielën mbrëma, derisa të hënën kanë stërvitur dy herë në ditë.

Drilon Hajrizi i është bashkuar skuadrës të hënën në mbrëmje.

Atmosfera në kampin dardan është shumë e mirë dhe pozitive para dy ndeshjeve vendimtare.

Dardanët më 20 shkurt do të ndeshen me Azerbajxhanin, derisa më 23 shkurt përballen me Zvicrën.

Të dy ndeshjet zhvillohen nga ora 19:30 në Pallatin e Rinisë dhe Sportit në Prishtinë.